வெட்டிய பார்வைக்கே - ஒரு நொடி 

விட்டுத்துடித்தது இதயம்..

கூறிய கதைகளிலே - மனதில் 

ஊறிய  உன் அபிநயம்..

சட்டென விலகியதால் - உதடுகளில் 

வெட்டப்பட்ட முதல் முத்தம்..

மழை மாலை அணைப்புகளில் - தேநீருடன

அலைபாய்ந்த தருணம்..

ருதுவாகிய பொழுதில் - நீ சிவந்த

ரகசிய கற்பனைகள்...

நீயில்லாத வெறுக்கப்பட்ட கனவுகள்..

விடைபெற அணைத்தபோது - விலகாமல் நின்ற 

மௌன நிமிடங்கள்..

எத்தனை ஞாபகங்களோ - அத்தனையும் 

பித்தனின் பாசுரங்களோ...